الاثنين, 6 ربيع الأول 1438 هجريا, الموافق 5 ديسمبر 2016 ميلاديا

الكلية آمنة .. ولا صحة لدخول الخطابات .. وتطبيق نظام البصمة للطالبات قريباً

الكلية آمنة .. ولا صحة لدخول الخطابات .. وتطبيق نظام البصمة للطالبات قريباً
د. الصقر متحدثاً للزميل غازي المسعري

د. الصقر متحدثاً للزميل غازي المسعري

هاشتاق #كلية_وادي_الدواسر تستنجد كان خطّاً ساخن القضية وحديث الاهتمامات خلال هذا الأسبوع ، وقد نال اهتمام رواد موقع التواصل الاجتماعي ” التويتر ” الذين شاركوا فيه وأدلوا بتعليقاتهم وآرائهم وتناولاتهم حتى وصل للترند في أول يوم لإنشاء الهاشتاق . 

.

ومن منطلق رسالتنا الإعلامية قمنا برصد ابرز ما تم طرحه من خلال ذلك الهاشتاق وطرحنها على عميد كلية التربية بمحافظة وادي الدواسر الدكتور عبدالله بن محمد الصقر وقد خرجنا بهذا الحوار بعد أن استقبلنا مشكوراً في مكتبه ظهر اليوم بحضور وكيل عميد الكلية الدكتور ناصر العشوان.

.

حاوره : غازي المسعري

.

* ماذا عما يُشاع من اختطاف طالبة داخل حرم الكلية والإطاحة بمختطفيها بمنطقة جازان ؟

بداية حياكم الله وأشكركم على هذه الزيارة , بالنسبة لهذه الشائعة اختفاء الطالبة آمر صحيح ان تم اختفاء الطالبة أما ما حول ذلك من تفاصيل الاختطاف من عدمة فالأمر محل اهتمام ومتابعة الجهات ذات العلاقة وفي حين يستوجب الأمر النشر اعتقد انه سيتم من قبل من يعنيه الأمر .

.

* الستم ممن يعنيه الأمر كونها إحدى طالبات الكلية !

بالعكس الأمر يعنينا ويهمنا كثيراً ولكن ما قصدت ان الجهات الأمنية هي من تهتم وتتابع ذلك بحكم الاختصاص .

.

* هناك بعض الطالبات لم يأتين للكلية منذ وقوع الحادثة سواء من نفسها أو بتأثير من ولي أمرها وذلك لارتفاع درجة الخوف . ما موقف الكلية من ذلك ؟

في تصوري أن إحصائية الغياب قليلة جداً ، وربما الغياب ليس بسبب الحادثة بل ربما لأسباب أخرى . وحقيقة يا أخ غازي أنا استغل منبركم الإعلامي في طمأنة الطالبات وأولياء أمورهن بأن الكلية حريصة جداً بكل ما تعنيه هذه الكلمة من معنى على إرساء الأمن والسلامة .

 .

* حدثنا عن صحة ما يذكر عبر الهاشتاق الشهير #كلية_وادي_الدواسر_تستنجد من دخول نساء من خارج الكلية لأغراض شخصية او بالأصح الخطابات .

غير صحيح إطلاقا دخول الخطابات للكلية ولن يسمح بذلك , ولكن الحقيقة ان دخول النساء موجود لمن لهن مراجعات بالكلية وفي المقابل هناك إجراءات مشددة تتخذ حيث يتم التأكد من الزائرة وما الغرض الذي آتت من اجله , كما يطبق عليها ما يطبق على الطالبات من حيث عدم الدخول بجوالات الكاميرا , ويتم إرشادها الى القسم الذي اتت من اجله سواءاً كان إدارياً أو اكادمياً ومتابعتها حتى انتهاء ما جاءت من اجله حتى خروجها من الكلية ويتم تدوين اسمها ضمن زائرات الكليلة .

.

* ماذا عن إجراءات الدخول والخروج للطالبات .

هناك إجراءات مشددة لهذه العملية المهمة فيبدأ الدخول من الساعة السابعة والنصف صباحاً ولا يسمح لأي طالبة بالخروج قبل الموعد المحدد مهما كان السبب إلا بعد تسجيل نموذج إذن خروج طالبة يبين فيه اسمها ورقمها الجامعي واسم من يستأذن لها والتأكد من هويته وكتابة تعهد بخروجها ويوقع عليه حارس البوابة ومسئولة الآمن في الكلية .

.

0N1A3607* ماذا عن دخول أجهزة جوال الكاميرا داخل الكلية.

نعم هناك حالات نادرة ويحدث دخول لأجهزة الجوال بعدة وسائل لعل من أهمها إخفاء الطالبة للأجهزة في ملابسها وهناك عقوبات لمن يتم اكتشاف أجهزة التصوير معها بحسب لائحة ضوابط حمل الهاتف المزود بكاميرا من لجنة تأديب الطلاب ونحن نسعى للحد من ذلك بتطبيق اشد العقوبات .

.

* حدثني عن الجوانب الأمنية في الكلية .

نحن في إدارة الكلية حريصين كل الحرص على تشديد الجوانب الأمنية في الكلية فلدينا طاقم من الأمن من الجنسين حريصين كل الحرص على امن وسلامة الطالبات من خلال وضع أنظمة توحد وقت دخول وخروج الطالبات وإعلان ذلك لأولياء الأمور وتقييد أسماء الطالبات الراغبات في الخروج قبل فترة الخروج المعلن عنها مع التأكد من هوية من قام باصطحابها .

وهناك دورية من الشرطة بالإضافة الى دورية الكلية تتواجد يومياً اوقات دخول وخروج الطالبات .

.

* وصلني انه لا يوجود كاميرات مراقبة في الكلية . هل هذا صحيح .

نعم صحيح , وقد تم الرفع مسبقاً بطلب تأمينها , وفي شهر ذي الحجة الماضي بدأت الكلية بالتنسيق , مع إحدى الشركات المحلية في تركيب كاميرات خارجية للكلية , وقد تم تقديم العرض من قبلهم واعتماده من الكلية الأسبوع الماضي وسيتم التركيب بإذن الله خلال أسبوع .

.

* هل هناك إمكانية لتطبيق نظام الدخول والخروج بالبصمة للطالبات .

بإذن الله وهذا مطلب بالنسبة لنا ونحن نسعى حالياً مع إحدى الشركات المتخصصة في مجال الأمن لتركيب نظام الدخول والخروج عبر نظام البصمة , كما يتيح تزويد ولي الأمر برسائل بوقت الدخول والخروج للطالبة .

.

* جميل جداً . متى سيكون ذلك ؟

في حال صدور الموافقة من قبل الجامعة واعتماد المبالغ المالية ونأمل ان يكون مطلع الفصل الدراسي القادم بإذن الله .

.

* صور انتشرت في مواقع التواصل الاجتماعي أظهرت سوء النظافة داخل الكلية وتذمر كبير من الطالبات من ذلك . ما تعليقكم على ذلك .

فيما يخص النظافة أود ان ابين لك وللقراء الكرام ان الكلية في الفترة الماضية كانت تعمل بنظام العقود مع عاملات النظافة , ونحن بانتظار اعتماد وتسليم مشروع نظافة وصيانة الكلية لإحدى الشركات , وقد سعت الكلية بشتى الوسائل والإمكانيات المتاحة لها من خلال هذه الفترة الانتقالية , من سد العجز من خلال تكليف مجموعة من عاملات النظافة في الفترة الصباحية , ومجموعة اخرى من عمال النظافة في الفترة المسائية .

.

* ولكن ما شاهدناه من صور يدل على عدم تواجد عمال النظافة .

اخوي الكلية بها عدد كبير جداً من الطالبات وفي المقابل نحتاج الى عدد كبير من عمال النظافة ايضا ولكن نحن نعمل بالإمكانيات الموجودة ونسعى الى إقامة عدة حملات توعوية لمنسوبي الكلية تهدف الى رفع مستوى الوعي والمحافظة على ممتلكات الكلية ونظافتها وعلى ضوء ذلك فقد أقامت الكلية حملات عن ذلك كانت بعنوان ( نظافة الكلية) و (وبصمتي في جامعتي) وغيرها , ونعدكم بالأفضل بإذن الله .

.

0N1A3526* سواء حُملت طرحه . ماذا عن إعادة الترم الصيفي .

لعله يناقش ذلك في الفصل القادم بمشيئة الله .

.

* هل تعهد الطلاب والطالبات بذلك .

بإذن الله .

.

* انقطاعات متكررة لأجهزة التكييف داخل الكلية . ما أسباب هذه المشكلة ولما لم تسعى الكلية لحلها .

أجهزة التكييف داخل الكلية جيدة وليس هناك أعطال ولكن هناك صيانة تجرى للأجهزة بين فترة وأخرى .

.

* هناك شكاوى من ارتفاع أسعار مبيعات مقصف الكلية .

أسعار المبيعات في المقصف هي الأسعار المعتمدة من عمادة شؤون الطلاب بالجامعة ويوجد قائمة بالأسعار مختومة من العمادة بجوار المقصف.

.

* نشكرك على رحابة صدرك .. والمساحة لك الآن .

الشكر لكم على حضوركم, وبودي ان أوجه رسالة للطالبات بضرورة التأكد من الأخبار والتثبت والحذر من الشائعات وهذا هو المنهج الرباني في التعامل مع هذه القضايا كما قال تعالى ( وإذا جاءهم أمر من الأمن أو الخوف أذاعوا به ولو ردوه إلى الرسول وإلى أولي الأمر منهم لعلمه الذين يستبطونه منهم)  كما أُطمئن جميع الطالبات وأولياء أمورهن بأن الكلية تبذل جهودها في المحافظة على سلامة وأمن طالباتها ومنسوباتها كما تسعد عمادة الكلية التواصل مع مشاكلكم ومرائياتكم عبر قنوات التواصل ku-edu@hotmail.com / sauw2016@gmail.com وشكراً للجميع .

 

التعليقات (٨٦) اضف تعليق

  1. ١
    فهد الدوسري

    مانقول الا نفوض امرنا الى الله وحسبي الله ونعم الوكيل على كل مقصر في هذه الكليه والله ماعانه في التربيه للطلاب والله احوال مأسويه

  2. ٢
    صريح

    اقسم باللي رفع السماء كل كلامك كذب الشي الصحيح ان مافيه كمرات بس

    كل من مدحك مطبل ومنتفع واكثرهم من اقاربك

    سؤال :من تعين في الوادي غير اقاربك .. والناس اللي تمر غصب عن خشمك .. وبمعدلات ضعيفة ولا تقدر توقف في طريقها

    كفاك كذب وتدليس للواقع انت والمطبل غازي

  3. ٣
    أبومتلع الشرافي

    كلام الي يبي يطول في المنصب ومفروض العذر الطبي يقبلونه واذا غير قادر على تحمل المسؤلية يعتذر ومو اجباري استمرار وبأذن الله التحقيقات تطلع

  4. ٤
    حسبنا الله ونعم الوكيل

    الوضع البائس هذا في كلية التربيه تراه اسوء ب مليون مره عندنا في كلية الآداب
    كلية الآداب اقسم بالله نحاول ندور شي وااااااااحد بس ايجابي فيها مافيه لا معامله ولا مرافق ولا اماكن ولا تبن حسبنا الله عليكم حتى الحيواناات اظاهر ما يعاملون كذا وعايشين كل يووم في قذاره ووصاخه حتى اليهود ما يعيشون كذا ولا عمرنا شفنا امن ينظفون لهم شي شغلتهممم الوحيده يوقفون البنت ويغافصونها على لبسها ويكلمونها كأنها جايتهم كاسيه عاريه واهم الي ختموا الدين كله ..ومحاضرات كثيره نحضرها في قاعات مافيها تكييف من بداية السنه والله تتعبين من الحر تدوخين تموتين بالطقاق انتي يال طالبه اخس ما عندهم..والمقصف عاااد قصه ثانيه يبيعون اكلهم كانهم يبيعونه لنا على اطباق من ذهب ولو بجيبه من البيت اخذوه مني بالقوه بينما هي حضرتها مسؤولة الامن لو تجيب ثلاجتهم من البيت وتاكلها قدامنا عاااادي حلالها…جعلكن تغص وتشرقن بعد حسبي الله عليكم
    الي بيشوفكم ويسمعكم يقول انا نطالبكم باشياء مستحيل تحققونها لنا!! ترا ما طالبنا بجامعة هارفورد ولا اشياء تعجيزيه..ككل الي نبيه نعيش في بيئه نظيييفه محترمه اقسم بالله الي يشوف الساحه الخارجيه في كلية الاداب يقول المكان هذا موبوء كله امراض وذبان وقررررففف والمكان كانه جايه اعصار تسونامي كل شي مرمي ومكسر
    توني طالبه بمستوى اول جايتكم كلي طموح وحماس وعني الحين مجرد ما اتذكر اني باداوم في ذاك المكان يجيني احباط ويأس وكل المشاعر السلبيه
    والاعذاااار عاد..غبتي في اختبار خلاااص سويتي جريمه ما تسامحين عليها ليش تتجرأين وتتعبين وتمرضين وتصير لك ظروف؟؟؟؟ انتي مو بشر انتي آله ما تتعبين ولا تمرضين وخلاص ما نقبل ولا عذر موتي لا تنجحين احسن
    ما نقول الا حسبنا الله ونعم الوكيل والله لا يبيح ولا يحللّ كل من كان مسؤول عن المهزله هذي والله لا يبيح من جميع مسؤولات الامن الي ما عندها ذمه ولا ضمير وكلهن مريضات نفسيات تشتغل عشان تحط راسها من راس الطالبه الي جايه ماتبي مشاكل حسبنا الله عليكم وكلنا اخرتنا بنوقف قدام الله والله لا يبيحكم ولا يحللكم دنيا واخره.

  5. ٥
    طالبه جامعية

    للاسف كلامه ينااااقض جميع تصرفاته اعطاء المكانه اللي اهو فيها لاحد يستاهل هذا هو الحل يكون قد مسؤوليته وشكراً

  6. ٦
    نودي

    مسؤليه الضرر او الفسادد لايتحملها آبن صقر لحاله ..يتحمله جممميع الطططططاقم العمل..
    الي يقول صارت مسأله اختطاف ف الشرافا ولاقالو شي عكس بنات التربيه .. يعني مثلا تبي بنات تربيه يسكتووووون بعد ..آقسم بالله بخاطري ادعي ع اختك او بنتك او زوجتك انها تنخطف عشان تعرف ليه بنات تربيه احترقو وطالبو بحقهم وهو الامن ..لكن م دعيت لان مالهم ذنب ف شخص نفسك ..

  7. ٧
    نودي

    لما تكون ع خطأ من عظمتك آنك تعترف بالخطا وتحاول تصلح مو تكمل ع الخطا ويجون ذا المطبلين ويدافعون والله اعلم بنوايا عن سباب دفاع .
    ثانيآ لو انت ناجح كان صارت نسبه لايك اكثر من دس لايك ..
    ثالثاا .. الصور وحادثات الالتماس الكهربائي ونتج عن ضرر لدكتوره والحادثتان الاختطاف آكبر دليل وبرهان .. ولو بقت اداره الرياض ف شك لها الحق تجي وتشوف وتحكم.

    _ رابعا.. آتمنى محد يدافع عن نظام الجامعه الخايس عشان يحصل اهداف له وينسى معاناة اهل البنت المخطوفه واهل البنت الي تضررت من التماس و و و ..ترا كلكم راع وكلكم مسؤل عن رعيته ..

  8. ٨
    حسبي الله وكفى

    مسكين ابن صقر قدرت تغطي وتقول كلام وفيه من صدقك لكن اذكرك حين تقف بين يدي الله ويسالك فماذا عشاك ان تجيب
    اسعار الكفتيريا مرتفعه
    لبس الطالبات في الجامعه خادش للحياء
    عبايات الطالبت فتنه
    الاعذار ماتنقبل
    الامتحانات المفاجئه
    اتق الله فينا ولا تحملنا مالا طاقت لنا به فدعوة المظلوم ليس بينها وبين الله حجاااااااااااااب

  9. ٩
    موظفه بالكليه

    اولا خافوا الله من الكلام الكذب ياللي ترفعون بابن صقر
    وحنا نشوف بعيوننا الكليه ومصايبها بالنسبه للخطابات والزائرات كل يوووم نشوفهم ومابه مراقبه ولا شي اقسم بالله
    اما من ناحية البنت المخطوفه ف معذورين لان الحرمه اللي جات دخلت وقت خروج الطالبات فلذلك مب من مسؤلية الامن

    ثانيا النظافه وما ادراك ما النظافه
    يمر اسبوع واسبوعين والحمامات ماتنغسل
    ياناس اقسم بالله شي يقلب الكبد كرتون فلاش وكرتون كلور وكم مطهر موب ضارة ميزانية الكليه بشي
    حمامات الاداريات واحددد بس اللي شغال وثنين معدوومه من سوء الاستعمال والوصاخه حدث ولاحرج يدخل الواحد وهو مغمض من خياس مايشوف حتى البزابيز تخاف نلمسها من التلوث

    ثالثا اسعار المقصف خصوصا بالحلويات سنكرس ابو ٣ وصل ٥ خير داخلين مطار ؟
    المويه اول الترم يبيعونها بنص والحين بريال ماعليه هذا شي طبيعي بس ليش كل موظفه بالمقصف لها سعر خاص فيها واذا حاجيتها قالت من المصري مالي دخل ومدري وش !! من المسؤول اجل

    رابعا وضع المعيدات طبعا مانشوف معيده الا من فئه معينه من الناس حسب عقول اهل الوادي بدويه ولا حضريه ولا سمراء وطبعا اللي اشوفهم الغالبيه بدو وحضر ومسحوب عالفئه الاخيره الا بالمستخدمات وحارسات الامن !!

    كلمه اخيره (كلكم راع وكلكم مسؤول عن رعيته)
    واللي مو قد منصبه يتركه لغيره والواحد يخاف الله من الدعاوي والظلم الحاصل حسبنا الله وكفى

    خفوا علينا من التطبيل والترفيع والتغطيات عالاشخاص اللي مو قد مسؤوليتهم

  10. ١٠
    شاهدة عيان

    اتق الله يابن صقر اسأل الله العلي العظيم ان يفضحك اذا كنت كاذب
    كل هذا خوف على الكرسي الي صار لك عليه سنوات لاحسيب ولا رقيب وكانه لايوجد في هالبلد الا هالولد ! هذي اعراض بنات المسلمين وانت كلية كلها ضياع ف ضياع وانت في مكتبك ماتدري عن شي وفوق هذا تكذب! عالاقل طمن وفرح قلبوب الطالبات واولياء امورهم المرعوبين وقول سوف نحاسب المقصرين ونتاخذ ضدهم الصرامه . ولكن ماذا نقول اذا انت تكذب و تقول كلام لايمت الحقيقه بصله فمابلك بادارتك والذي تحتك مانقول الا حسبي الله ونعم الوكيل
    ونحن الطالبات واوليائنا نرفع شكونا ومظلمتنا لله ثم لوزير التعليم لحاسبك انت يا بن صقر اولا ثم ادارتك وموظفيك ثانيا

  11. ١١
    هيا

    السلام عليكم ورحمة الله وبركاته ..
    اولا :كلامه كله كذب في كذب والله الذي لا إله إلا هو إن دخول النساء موجود وإنه بعد الساعه 8 ونص يبدأ دخول حريم عادي ما أحد يسأل ويتمشون في الجامعه ومعهم جولات كاميرا وإذا سويتوا تحقيق في الكليه وسألتوا البنات بيقولون لكم الحقيقه يمسكون البنات انتي على مين وانتي بنت مين ؟ ولايمنعون من دخول الكليه ابدا
    ثانيا:نظافه الكليه معدوومه تخيلوا حنا ندوور بالزباله أكرمكم الله ما نلقى حاويه نرمي زبالتنا فيها الا لما شروا البنات الحاويات وين اختفت حاويات الكليه اللي مفرووض انت توفرها يا أستاذ يامحترم
    ثالثا: حراسات الامن ما يتعدون الباب شغلتهم بس يأخذون الاكل اللي نجيبه معنا او تعليقهم على ملابسنا فقط لاغير ما يسالون اساسا انتي من الكليه اولا ولا يعرفون بنات الكليه لدرجة كل يوم يجينا نااس من برى بنات ثانوي بنات متوسط يتمشون في نص الجامعه وحتى بنات في بيوتهم حبت تغير جو جات مع صديقاتها للجامعه تغير جو والله ما احد يعرفها ولا يسالها من أنتي
    رابعا : جوالات الكاميرا اكثر البنات تدخل بجوالها ما فيه تفتيش على ذا النقطه وعادي كم مره نشووف البنات يصورون فطورهم واكلهم وقاعتهم طيب فرضا صوروا اكلهم وتصورت بنت بالغلط ونشروا الصور بغير عمد او حتى من باب الاستهبال والمزح تصور البنت لانها على قولتها حلوه او تضحك وانتشرت الصوره ايش مصير المسكينه الي رايحه تتعلم وتطلع من الجامعه بفضيحه اقلها أجهزة لكشف جوالات الكاميرا وكاميرات مراقبه يا استاذ يامحترم .
    خامسا: يحق لنا نخاف على أنفسنا إذا انت حضرتك ما تخاف الا على منصبك اللي فرحان فيه وناسي إن ربي العباد بيسألك عنه في يوم القيامه وايش سويت في هذا المنصب البوابه الخلفيه ياناس قسم بالله مفتوحه اي احد يطب على السور عادي جدا يدخل مع باب الطوارئ اللي مو مسكر ولا عليه قفل وهذي مو اول مرره تصير حادثه في هذي الجامعه الترم اللي راح دخلوا شباب للجامعه وكتبوا على الجدران وشهروا باسماء بنات ومنعونا من الدخول للقاعات وكنا ناخذ محاضراتنا في السور هل هذا يعقل ولا سووا تحقيق ولا رفع بصمات ابدا اللي سووه بس دخول المستخدمات والامن وطمسوا الكلام المكتووب ببخاخات حتى ايش البنات ما يأخذون الارقام هل هذا في نظركم يعتبر حمايه لنا الكليه في منتهى الخراب جدا انت يا استاذ ما انت بعاجز عن كاميرا تحطها تكشف مين يدخل ويطلع من الكليه ما انت بعاجز تتفق مع شركه نظافه للكليه ما انت بعاجز تتفق مع شركه للافطار حق البنات في الكليه ما انت بعاجز عن تصليح المكيفات اللي خربانه في الكليه وتصب ماء على البنات والمتاس الكهرباء اللي كل فتره يصير وين مسؤوليتك أمام الله خاف ربك لا تخاف من خلقه مياه الصرف الصحي اللي متفرج في الكليه رائحتها مزعجه وهي منتشره في ساحات الكليه أقلها صيانه الكليه قديمه بس مو ضارك بشيء لو سويت صيانه في فتره اجازتنا الصيفيه يمديك 3 أشهر فيها بس حسبي الله ونعم الوكيل الله انحرموا كثير بنات من تكميل دراستهم الجامعيه بأسباب تسيبك وعدم حرصك اذا انت بس تسمع وما تمر الكليه ولا تشوفها الله لايوفقك ولا يسامحك في حياتك حنا أمانه وضعها كل اب وام واخ و زوج في رقبتك وانت مهمل وتكذب في شيء لتغطية قصوور جهودك مو بس حنا المظلومات حتى دكتوراتنا مكاتبهم متر في متر كأنه قبر واذا 2 في مكتب مترين في متر ايش هذا ..فووق هذا من دخلت الكليه ومعمل الحاسب هو الوحيد اللي نستخدمه ما يشتغل الا بعض الاجهزه الباقي للزينه اسم ان فيه جهاز ويطالبون البنات بالعرووض والشرح وما يوفرون أجهزة بروجكتر في الكليه كل قسم موجود فيه واحد تخيلوا كم جهاز بروجكتر في كليه 5 أجهز فقط وحنا مطلوب منا شرح لكل ماده وكل بنت لحالها واذا طلبنا البروجكتر قالوا مشغول مع طالبه ثانيه واذا ما قدمنا عرضنا نقصت درجاتنا ايش بالله عاجز عن توفير أجهزة بروجيكتر في القاعه في مدارس الوادي كل فصل فيه بروجيكتر ملعق في السقف وحنا طالبات تعليم عالي ما عندنا ايش ذا التسيب ميزانية الجامعه في ايش تصرفها في جيبك ..
    واخيرا حسبي الله ونعم الوكيل اتق الله في نفسك فهولاء الطالبات في ذمتك…

  12. ١٣
    نورا

    كذب ونصصصب الخطابات مالين الكليه وانا بنفسي تعرضت لهذا الشي حريم يسالون عن فلانه وعلاااانه والمقصف اسعاره غااليه وطعم السندويشات يجيب المررضض وممنوع نجيب فطور من برا يعني غصب نششتري وكل شي ماشش الحمدلله تخرجت وافتكيت

  13. ١٤
    طالبه حالياً

    هذا حوار بين شخصين فقط
    – نحن نريد ان يكون هذا اللقاء مباشر العميد مع الجمهور و هم الذين يسألونه .
    ستجدون الحقيقة
    طبعاً اتحداه يقبل بهذا الشي.لأن التواري عن الأنظار و الهرب من النقاش هي صفة المقصر .
    – الموضوع محتاج دراما للنجاح.

  14. ١٥
    الحمدلله

    لحظه كلمه صغيره بقولها لكم ياللي تقولون يتوسط لبناتهم ! تقنعون أنفسكم أن لو أحد من أخوانكم أو اقاربكم عميد جامعتنا منتوا مخلينه يتوسط لكم بالتوظيف أو تحويل الأقسام على قولتكم ؟ الحسد شيلوه من قلوبكم خلوا المطر ينزل علينا يالحسد

  15. ١٦
    م.ن

    مووووووتوا حسره ياليل ماتخافون الله قال إيش قال يوظف بنات أقاربه !!!!! ياماما ترا في لجنه فوق العميد تشوف هو على قولتك يوظف أقاربه ولا لا حبيبي انتي وياها تعالوا ذره من بناتهم عام يوفقكم الله ويكتب لكم الوظايف مثل ماكتب لهم والله العظيم ثم والله العظيم اني ماشفت منهم إلا ما خير واحترام وبنات ونعم التربيه في ذمتي ماني منهم ولا لي عرق فيهم بس أكثرهم زميلات لي واعرفهم من زمان 4 سنين فالجامعه ماهي شوي تخرجت و2 منهم توظفوا وهذا أنا بالبيت ارجي الله اللي رزقهم وظايف يرزقني معهم وراضيه توظفوا قبلي لأنهم يستاهلون هالشي ممتازات وفي حالهم ومن جامعتهم ليتهم كفو والله فيهم والدليل كبيرهم عميد على جامعتنا كفوا السنتكم من الكذب والحسد يالمشوهات….

  16. ١٧
    soary

    اول شي احنا بنات الكليه نشوف كل شي بعيونا ولاجبنا اي شي من روسنا ويكفي الصور اللي طلعت عن الكليه ووحوستها ف ماله داعي الكذب ولاشي لان كل شي وااااضح

    * الطالبه اذا تأخرت عن الامتحان ربع ساعه او اقل ع طول حرمان والغيابات 3 والرابع حرمان !!! ترانا بنات واغلبنا متزوجات وفينا اللي حامل واللي تتعب وظروف ماتخلص بسبتنظام الكلية البنت تداوم وهي نفاس بسبت حرماناتكم ولابعد مايقبلون اي عذر ويقول ابي راحتكم!!احلف بس

    ولامن نظافة الكليه ولامن اكل الكفتريا واسعارهم مرتفعة جدا

  17. ١٨
    Amal

    الحقيقة والحق يقال أن كلية التربية من يوم مسكها د. عبدالله من كم سنه وهي متغيره تغيير إيجابي للأفضل في أمور كثييييييره وكانت بصمته واضحه وجهوده مشكوره ماينكرها إلا جاحد او حاسد ..
    وإللي حاصل حالياً أمر طاريء يمكن يحصل بأي جامعة بالعالم ..

  18. ١٩
    طالبه......

    لو الدكتور سبق ودخل الجامعه علي غفله من الامر وشاف مانحن نعايش لاقتنع بتذمرنا ،اما الان سيهتمون بما سبق التعليق فيه هالايام لذلك لا تحكم عليهم هالفتره لانهم اكيد بيهتمون لفتره قصيره جدا …؟!

  19. ٢٠
    استغفر الله

    الانظمه كلها رايحه فيها وش نقول و وش نخلي حتتى الاعذار حقت الغياب تخيلوا ما تنقبل!!وش الجامعه اللي في الدنيا ما تنقبل فيها الاعذار !!وش الطلاب اللي مايصير عندهم ظروف!!لدرجه عذر الولاده و عذر الزواج ما تنقبل !!يعني اذا صار لك ظرف زواج والا ولاده والا غيره لازم تأجلين ترم كككككامل عشان ما تنحرمين في المواد!!و نظام الكويزات الجديد يعني حاطينه عشان نصير زي الجامعات الثانيه؟؟احنا الحين خلنا نصير زي الجامعات الثانيه في ابسسسط الامور عشان نصير زي انظمتهم في الامتحانات
    هذا طبعاً قليل من كثير ^.

  20. ٢١
    مشهور

    تبي الصراحة انت سبب من اسباب مشاكل الكلية ومساعدينك
    والامل في وزيرالتربيه والتعليم يجي يشوف بنفسة المهازل في
    التعليم بوجه خاص بمحافظة وادي الدواسر

  21. ٢٢
    كلكم راع وكلكم مسؤل عن رعيته

    الاخوات الي مسوين دفاع ويرقعون لنفسهم ومقالهم كله سب واخطاء املائية اول شي روحي نظفي لسانك واعيدي تربية نفسك وتعلمي اسلوب الحوار الناجك بدون همجية لان اسلوبك يدل ع تربيتك الجميلة ويأسفنا هذه الالفاظ من منسوبة كلية سواء طالبه او موضفة والفاضكم اكبر اثبات على اسلوب تعاملكم مع منسوبات الكلية ثانيا روحي عيدي دراستك وتعلمي الأملاء جيدا فشلتينا منسوبة كلية وكذا تكتب ; )
    بعدين ع اي اساس حكمتو ان الي يتكلمون عن وضع الكلية حساد ايش مصلحتنا في ذلك وليش الحسد كلامنا نابع من معاناة نعيشها ونريد لمجتمعنا الرقي وهذا حق من حقوقنا ولكن للأسف أصبح قول الحق لا يعجب البشر فلا بد أن تجامل وتكذب حتى ترضي جميع الأطراف وهذا الشي مستحيل لأن ديننا امرنا بقول الحق ووالله ما أقول الا الحق ماحييت فقول الحق رمز للشجاعة مهما كان موقفك لا تقل غير الحق فأنك ترضي الله سبحانة وترضي نفسك وترضي قوتك وعدلك وهيبتك ومكانتك في افراد المجتمع وان لم تستطع قول الحق ، فلا تصفق للباطل !
    لا ويسعون لان تكون الجامعة معترف فيها ماغير الملك سلمان اسمها وتبراء منها الا لانها تفشل وماتبيض الوجه وماتليق بمستواه حفظه الله
    ثانيا الخطابات الي تقولون ارفعوها ياكثر ماترفع الكلية خطابات وطلبات وشكاوي ولا نرى اي تغيير ولا تحسين اوضاع انبح صوت الطالبات ومو عشان كلية الاداب ساكتين وماتكلمو يجب ع كلية التربية الصمت هم ايضا يعانون ويتكلمون ومحد يرد عليهم ولا يعطيهم وجه وهذا ليس مقياس يبي لكم اعادة تثقيف وتهيئة وتربية.

  22. ٢٣
    رجباني

    انا اعتقد ان كل مسؤول في محافظة الوادي منتقد ولايمدح اي مسؤول
    اين الخلل !!! جميع المسؤولين في الوادي محاربين منتقدين كم مسؤول في بلدية الوادي مر على هذه المحافظة ولم يمدح اي واحد
    هل اذا جا المسؤول من ابناء المحافظة يحسد على هذا المنصب ويُكره ينظر له في هذا المنصب
    لن يتطور ولن يتقدم الوادي وهذه عقلية ابناءه قلوب مليئة بالحقد والحسد
    ارتقو بعقولكم لترتقي محافظتكم
    اما بنسبة للكلية من خلال الردود يتضح ان هذه الجامعة لن تتميز وهذه مخرجاتها من الطالبات وهذه الفاظهم تكاد تجزم انها ليست في مستوى اكاديمي عالي من خلال الفاظ
    يوجد هناك ادارة ومجلس طلابي وقنوات تواصل اجتماعية يمكن لطالب توصيل صوتة برقي وباداب الحوار
    والامر الاخر كلية الاداب لم يسمع منها هذه الضجه على انها صالة افراح ومبنى لايليق وحدث من اختفاء لطالبة ولم يكن هناك هاشتاق ولا ضجة اعلامية هل لان طالبات الاداب اكثر رقي في الحوار
    تمنياتي بمحافظة متميزه بتميز ابناءها ورجالها

  23. ٢٤
    فلانه

    اولاً ياليت احترمت مقامك و ما كذبت كله تغطيه و تستر ،بالنسبه للنظافه الصور كانت خير برهان موثقه و كلن شافها و صحيح كلام الاخت اللي تقول ان البنات شروا حاويات من حسابهم الشخصي و المكيفات مويتها تنقط ماليه الدنيا و اللمبات حتتى ما تشتغل نصها و المقصف يجبرونا نشتري اكل المطعم اللي عندهم عشانها غاليه و تكسبهم ليتها عاد زينه الله يعز النعمه الفطيره ام ريال ما يبيعونها عشان ننجبر ع اللي عندهم ،و الامن كل همهم يشوفون اللبس و الفطور طيب فيه اشياء اهم بكثير و اذا كلامك صحيح ان اي وحده تجي متغطيه ياخذون اسمها و يمشون معاها الامن لين تطلع !ها ليش الحريم اللي خذوا البنت ما سجلوا اسمهم و ما مشوا معهم لين طلعوا ؟؟؟كل شي واضح و انا اقول لو تواجه الاغلاط و تعدلها افضل من انك تتستر عليها و الاخ او الاخت اللي يقول ان اهل الوادي يكذبون عشانهم حاسدينك ع منصبك !معقوله عاد اهل الوادي ككككلهم يكذبون؟و الصور تكذب بعد؟و البنت المخطوفه كذب بعد؟اهل الوادي يبون الشخص المناسب ف المكان المناسب الاوضاع لا تطاق والله،نصيحه لا تصيبك دعوه تغير كل حياتك .

  24. ٢٥
    طالبة من كلية التربية

    السلام عليكم ورحمة الله وبركاته
    وبعد:
    أولاً:كلام عبدالله بن صقر غير صحيح ولا فيه من الصحة.
    ثانياً:هذي ليست من مسمى بجامعة بأل بكلية وتخب عليك يا عبدالله بن صقر والأصح بكلية الزبالة.
    ثالثاً:إذا لم تحاسب على كلامك في الدنيا الفنية سوفاء تحاسب عند رب الناس والله ﻻ يوفقك ﻻ في الدنيا وﻻ في الآخرة يآرب العالمين.

  25. ٢٦
    طالبة كلية التربيه

    ما ابغى احلف كلن من مدح ابن صقر انه مش طالب وحاس بالي نحس به ! والله العظيم ان كليتنا في حال مايرضى عليه احد لاكن تعب الكلام من الكلام .. والله العظيم اليوم بالقاعه الي احضر فيها حشرات وذباب لونه اخضر وكبير !! مستوعبين ؟؟ اوكي ترى هاذي قاعه ناخذ فيها محاضره من الساعتين الى ال ٣ ساعات .. ،وماطلع منهالا كل جسمي متحسس منها واتحكحك ،وشبه اسبوعيا تجي وحده من الامن تاخذ ملاحظتنا على القاعه لاكن لاحياة لمن تنادي .. اناطالبه وانا الي يحق لي اتكلم ! والحمد لله على حال . فعلاً معاناة يشّفق علينا فيها ….

  26. ٢٧
    ابو ضاري

    اخي عميد الكليه المحترم

    اخواتي الاعزاء وفقكن الله وستر عفافكن

    من منطلق حرص خادم الحرمين الشريفين الملك سلمان بن عبدالعزيز حفظه الله على توفير الامن ،رغد العيش،التعليم والصحة……الخ

    لابد من محاسبة المقصر اينما يكون ولابد من وجود تحقيق عاجل عاجل وهذا الذي بيحصل إن شاء الله
    في الايام القادمة .

    ولابد من مراجعه وتصفح اوراق الكليه من جهة التعينات والقبول ، الميزانيه الخاصه للكليه واين ذهبت، عقود شركات النظافه، حراس الامن، سائقي الباصات وتحليلهم ؟؟؟

    هذا والله الهادي الى سواء السبيل

  27. ٢٨
    التربيه ؟

    اهو يلقي الاوامر بس مايدري وش يصير من وراه الامن والله كلهم متسيبين ومو قد المسئوليه واذا ع الخطابات دايم نشوفهم والامن مايدرون عنهم اي ام تبي بنتها تدخل بنفسها با الجامعه وتدورها لين ماتبلغ الامن واهم يدورون بس للاسف الامن لو تقولهم وحده نادو بنتي اطلعها قالو شدخلنا دخلي دوريها متسيبين مهملين كلهم الشغله الوحيده المخلصين فيها ياخذون الفطور ويعاقبون ع الزي بس ومسالت الخروج ليش اذا خلصت محاضراتي وجا احد من اهلي ياخذني مايطلعوني الا الساعه ١٢ واهو معه كرته وكل شي معاد نبي نجلس با الجامعه نبي نطلع اول مانخلص محاضره ليش نجلس لين ١٢!!!!واتمنى تتغير الجامعه قريب يارب

  28. ٢٩
    ريم

    هذا كلام دفاع وتحسين صورة بس
    كلام كذب وكلام للي يبي الكرسي بس

    ( الكذب مهواة )

    بن صقر يقول

    وهناك دورية من الشرطة بالإضافة الى دورية الكلية تتواجد يومياً اوقات دخول وخروج الطالبات .

    مافيه لا دورية شرطة
    ولا دورية كلية

    كيف عاد

    يوميا

    بعدين تعالن يابنات ايش رايكم

    احنا نتكلم عن حاجات حاصلة وواقعة ومشاهدة بشهادة جميع بنات الكلية .. ليش هو ينكرها
    الله يرحم المسؤولية

  29. ٣٠
    الحق يقال

    لماذا لاتنتقد جامعة الاداب وهي في حالة يرثى لها وغيررررر صالحة جدا وتفتقد لوسائل الامن والسلامة !!!!!!!!والكثير مماقيل عن التربية ينطبق على الاداب واكثر بكثييييييييير
    حكموا عقولكم قبل قلوبكم السوادء الملية بالحسد والغييييرة

  30. ٣١
    Non

    اللي نكها الحق ينقال جعل مربط الحق مهب عندتس يالتسذوب كلكم مجمع ال صقر ماخذينها عنصريه وطلايب سلامات يامي انتي وياها الموضوع مهب شنطه وانسرقت بنت ادميه كائن حي منب داعيه يجيتس الدور ولا على من حبيتي يالتسذوب وجع بعد وجع كذب عيني عينك نلقاها من ولدكم ولا منكم مالت عليكم مالت -_-

  31. ٣٢
    Non

    ماهذا الشلخ ماهذه الصواريخ !!!!!

  32. ٣٣
    الدوسريه

    حسبي يالله ونعم الوكيل عليكم الله ينتقم من كل شخص يغطي ع نفسه وع اساس قايم بوظيفته ع اكمل وجهه نحن طالبات كليه التربيه لنا حق في الحديث لما نشاهده في هذه الكليه وهذا ابسط حقوقنا تلبيه ما نقوله من اهتمام عنايه محافظه امن صاحي وكلام بن صقر غير صحيح ودليل هذا كل كلامه ان الكليه كامله مافيها عيوب الله ياخذ حقنا منكم ياحي ياقيوم وبس رسالتي لكك قبل كل شي لاتنظر الي الناس انظر للذي خلقك هو الذي يراك حاسب نفسك قبل ان تحاسب خاف ربك ي مسلم شي لايطاق ولا ينسكت عنه

  33. ٣٤
    sara

    الكلآم كذب ف كذب ! أنا ك طالبه قد دخلت الكليه كم مره بعبايتي ل امور بسيطه انجزها ، ولا احد سأل من انتي او وش تبين ! .. الجوالات ب شوفة عيوني البنت تتصل ع أهلها الساعه 12 ب جوالها أيفون ب الساحه وترجع تدخله شنطتها ! و الغياب يوم الثلاثاء بعد الحادثه كثير جدا ، القاعه م فيها الا 5 او 8 طالبات ! النظافه حدث ولا حرج قذاره ف قذاره ، حتى سلة الزباله كان مجهود من بعض الطالبات جابوها للكليه ، الأمن ف مكتبهم ياكلون و يشربون و الصواني و القهاوي داخله طالعه من عندهم .. الموضوع مو تشهير او تنقيص من أحد بس كلام الحق يقال !

  34. ٣٥
    فهدمبارك

    بطاقة شكرًا وتقدير واقف احترام لهذا الرجل ، منذ توليه العمادة للكلية ظبطها من حيث الدخول والخروج رأيت بأم عيني قبل توليه للمنصب خروج البنات من الكليه والطلوع مع شباب . عيني عينك والهيئة أعلم بالاحصائيات
    وأقول للبنات الي يكتبن في الهشتاقات ماعجبهن الوضع يبونه زي سابقا سرداحي مرداحي .
    والعجب من بعض الإعلاميين نائم عن المليارات الي تصرف للمشاريع بالمحافظة والمحافظة كما كانت لاتطور ولارقي .
    شكرًا لصحيفة الوادي .

  35. ٣٦
    طالبه جامعية

    للاسف كلامه يناااقض جميع الحقيقه اللتي نعيش بها لاداعي للتبرير يابن صقر ادارتك فاشله

  36. ٣٧
    نوف

    احنا داخل الكليه واحنا اللي نشوف وربي كل كلامنا صدق الزبايل م تتنظف بالايام شيء طبيعي بتكون الكليه كذا ودورات المياه والمجاري شيء ثاني ع أعصابنا بكل وقت من ندخل الين نطلع … المقصف م يهمني الأسعار كثر الاكل المتسمم فيه ولا الحشرات اللي نلقاها داخل الاكل اذا نطلب شيء يرفضون يقولون خلصوا السندويشات قبل ونبيع لكم الباقي وقت الفطور كيف نأكل اكل ماندري من وين ولعلمك اكثر من وحده تسممت من اكل المقصف وإذا جبنا من البيت ممنوع طبعاً مو مركزين الا على اكياس الطالبات اذا كان فطور ع طول سحبوه وهم لا طبعا يعني أجي من ٨ واطلع ٣ وانا آكلي شيبس بس لأَنِّي ماقدر اطلب الاكل اللي ماعرف من وين مصدره … والخطابات كل شوي داخلين واحنا اللي نشوفهم و محد معاهم ويدورون بكل الكليه وين الأمن اللي تقول فالحين بالصراخ والألفاظ الوسخة حتى بمقال وضحى ال هدلاء اللي هي من تبع الأمن من كثر ماتقول كلام مو زين حتى بالمقال كتبت الكلاب تقصد بنات الجامعه ! والأعذار ي عبدالله الصقر ماينقبل ولا عذر طبعاً كله من قوانينه بس لما يجيه احد يعرفه ع طول بناتكم كلهم حولتوهم ع أقسام بدون معدلات مرتفعة فجأة كذا كله طبعاً من إِيش من الواسطه اللي لبناتكم بس و أعذارهم مقبولة طبعاً ويتكلمون وهم واثقين لان انت وراهم . رجاءً لاتتكلم على شيء م تعرفه ولا شفته بعيونك .

  37. ٣٨
    طالبه

    هذا الكلام غير صحيح
    حسبي الله ونعم الوكيل

  38. ٣٩
    طالبه

    هذا الكلام غير صحيح

  39. ٤٠
    كلكم راع وكلكم مسؤل عن رعيته

    خافو الله يالي تتكلمون وتشهدون شهادة زور وانتو ما شفتو الوضع ولا عشتوه والي ترفع بالكلام لاجل مصلحة شخصية وتكذب تراك محاسبة واحنا ما برأنا الطالبات الطالبات عليهم نسبة غلط لكن النسبة الاكبر تقع ع الكلية لانها غير مهيئة وماوفرت الاسباب فأكيد هذي بتكون النتيجة والهاشتاق غير مفتعل هذا الواقع المرير والصور الي فيه صحيحة١٠٠٪‏ ولازم الواحد يعترف بغلطه لان الاعتراف بالخطاء والاعتراف بوجود مشكلة لان الاعتراف نص الحل .
    وكلكم راع وكلكم مسؤل عن رعيته.

  40. ٤٢
    جامعيه

    ابي افهم الشباب اللي جالسين هنا يرقعون لتبنن معليشش دخلت الجامعه !؟؟ شفت اللي نشوف اذاً ع شحمم وخل المجال للي يخصهم الموضوع واطلع منها
    اما العميد حقكم ذا وين تبونه يفيد وهو باللقاء اصلن مع الصحفي م صدق بأي كلمهه وين ترتجون منه خير

  41. ٤٣
    أبو خالد

    وسبعة أنعام والله في أبو صقر عز الله أنه يستاهله هالمنصب وكلنا واثقين انه رجال وقد المسؤولية كفو والله يالذيب

  42. ٤٤
    اخت نورة

    الاميلات يجب ان تكون رسمية للكلية و ليست شخصية و يجب ان تشكل لجنة لللإطلاع على الكلية و التأكد مما قال العميد

  43. ٤٥
    اخت نورة

    تخلي من المسؤولية فقط لا أكثر

  44. ٤٦
    ريم

    بد يواجه ربه محدن بدايم في ذا الدنيا لعل دعوه من دعوات بنات الكليه تنهي حياته فخاف الله

  45. ٤٧
    نوره

    والله ان ردود الدكتور المجتهد في عمله والمخلص والمحافظ أن تلك الردود على الصحفيين اطفأت نار صدري على الكثير من الكلام الكاذب والسيء عليه فهو استطاع أن يصور للجميع وللصحفي بأن ما قيل في ذلك الهاشتاق الغبي ( #كلية_وادي_الدواسر_تستنجد ) كثير من تلك التغريدات كذب وفقط حسد على منصب الدكتور واحتيال عليه وافتراء فالحمدلله على نعمة العقل والكمال هذا انتم يا بنات وأبناء وادي الدواسر لايعجبكن أي كان ذلك المنصب لذلك الرجل سواء للدكتور أو غيره من أي منصب يحصل عليه أحد رجال تلك المحافظه فقد تأتون عليه بالافتراء والحسد والقيل والقال لا أعلم لما كل هذا !!! وقبل كلمتي الاخيره سأقول لمن كتبت مقزله أطول من المقال الصحفي هذا عن نظافة الجامه بأنها وأنها !!! هذا يرجع لنظافة الطالبه نفسها فندافة الذات قد تكون أهم بكثير من نظافة شكلك الخارجي ياجميله وقد وضح الدكتور وأيضا الجامعه من قبل وضحت لنا بأن الجامعه تنتظر شركه تأتي لعقدها مع الجامعه ولكن يرجع قذارة الجامعه الأول والأخير على نظافة ذات الطالبه نفسها ، فكلمتي الوحيده الموجهه للدكتور والرجل الشجاع والخلوق ابن الكرم والجود ابن صقر اقول لك ( الكلاب تنبح والقافله تسير ) واصل يامبدع ولا عليك وانا واثقه بأنه لم يلتفت إلى تلك التعليقات لانها لاتهمه وهو كبير على تلك الأشياء ف لولا توفيقه من الله ولولا اجتهاده لما كان قد وصل لهذه المرحله الذي حصل فيها على الدكتوراه وأتى الر هذا المنصب فأنت رجل تستاهل هذا المنصب فتمير الجامعه وابداعها من تميز وابداع العميد حفظك الله وسدد خطاك وابعد عنك عيون الحاسدين والظالمين

  46. ٤٨
    ريم

    كل كلامه كذب في كذب وواضح اللي يعززون له من ربعه اجل محماس والثانين وش عرفكم في الكليه وانتم م دخلتوها ولا شفتوها الكليه مبناها مبنى ثانوي مو مبنى كليه ندخل بدون بطايق انا بنفسي اجيب جوالي ايفون واطقطق عليه في القاعه وبنات قاعدتي يشهدون اما المقصف واسعار الجالكسي ابو ريال ب٢ والسيزر ابو ٣ ريال ب٦ والاكل الشاورما والبرقر متسممه والمكيفات تقطر علينا والزبايل عليها ذبابين ما تطلع من الكليه الا بعد اسابيع

  47. ٤٩
    نوره

    كفو والله يابني صقر أبدعت ♡♡♡♡

  48. ٥٠
    اخت نورة

    يجب أن يعمل لجنة تحقيق محايدة تبحث القضية كاملة و تقابل الطالبات ان كان كلامهم صحيح فليعاقب العميد لأنه المسؤول عن كل هذا. يحب أن ينظر للأمر بهتمام كبير من الدولة.

    سمعت كثير أن الخطابات يدخلن في الكلية.

    أغلب المشاكل التي علئ شاكلة هذه القضية يطلع المسؤول ليتصل من المسؤولية و ما بقي الان ان يقول انتم تظرون باللحمة الوطنية كما قال مدير صندوق المئوية.

    و شكرا

  49. ٥١
    .

    والله ان ردود الدكتور المجتهد في عمله والمخلص والمحافظ أن تلك الردود على الصحفيين اطفأت نار صدري على الكثير من الكلام الكاذب والسيء عليه فهو استطاع أن يصور للجميع وللصحفي بأن ما قيل في ذلك الهاشتاق الغبي ( #كلية_وادي_الدواسر_تستنجد ) جميعه كذب وحسد على منصب الدكتور واحتيال عليه وافتراء فالحمدلله على نعمة العقل والكمال هذا انتم يا بنات وأبناء وادي الدواسر لايعجبكن أي كان ذلك المنصب لذلك الرجل سواء للدكتور أو غيره هذا انتم معروفزن بالجسد والاحتيال فحسبنا الله ونعم الوكيل على كل ماقيل كذب افتراء على الدكتور المخلص الذي وفقه الله وسدد خطاه وجعله دكتور وقدر باستطاعت ذكائه بعد الله أن يصل إلى هذا المنصب الذي الكثير لم يستطيع أن يصل إليه فكلمتي الوحيده الموجهه للدكتور والرجل الشجاع والخلوق ابن الكرم والجود ابن صقر اقول لك ( ………….) واصل يامبدع ولا عليك وانا واثقه بأنه لم يلتفت ولن يلقي نظره لهذه التعليقات لأن عقله ناضج ورجل بمعنى الكلمه لن يهتم بها ولاتعني له شي ، نظافة تلك الجامعه ترجع على حسن تربيتك انتي يا من كتبتي مقوله أطول من هذا المقال الصحفي راجعي نفسك وتظافتك الشخصي فنظافة الذات أعم بكثير من نظافه المنظر الخارجي ، الجامعه مميزه بتميز وابداع عميدها ، حفظ الله وسدد خطاك وابعد عنك عيون الحاسدين والظالمين .

  50. ٥٢
    شهد

    اقسم بمن احل القسم ان كلامه كله كذب يقول م في خطابات طيب انا انخطبت مرتين بالكليه وتقول م فيه صديقاتي ٣ تزوجو عن طريق خطابات الكليه جعل ان كانك تغطي ع نفسك ان الله يفضحك امام خلقه والله ماهي زينه رجال شكبرك وتكذب !!!!! واذا ع النظافه جعلني م اتوفق اني م قد داومت وشفتها نظيفه ومن ناحيةة الجوالات علي نذرر انا شخصياً جايبه جوالي واطقطق عليه بالساحه ولا اححد تكلم ~ معليش شغلتك بس توظف اقاربك

  51. ٥٣
    حسبي الله ونعم الوكيل .

    للأسف كل كلامهه كذب ف كذب !! م استحى وهو يكذب رجال وش كبره ويكذب وليتها كذبهه بسيطه نقدر نمشيها ابدا كل كلمه كذب وواضح مرا واللي يأيدونه م فيهم عقول م تخافون ع بناتكم !! ويقولي الخطابات م يدخلون وم يدخلون اي انسانه مالها خص ب الكليه كذاب وترا اخرها اليوم انا داخله وانا مو طالبه ولا شيء ولا قالوا لي مسؤولات الامن شيء وسبق وراحوا حريم اعرفهم يدورون ل عيالهم بنات هناك يعني استح ع وجهك ي كذاب حسبي الله عليك الله يجازيك ياربب لو هي بنتك المخطوفه ولا اختك كان عرفت كيف تقول الصحيح الله يحاسبك وياخذ حقنا منكم اجمعين ظالمينا ظلم حسبي الله وحده حسبي الله م عاد فيه امان وجايي يتكلم ويكذب ويبيني نتطمن ونداوم بعد كل هالكذب .!!

  52. ٥٤
    رجباني

    الله يعطيك العافية دكتور انا احد طلاب التربية ونعرف حرصك على هذه الكلية وطلاابها مهما قيل غير ذلك اعانك الله وسدد خطاك وجعلك مباركاً اينما كنت

  53. ٥٥
    بنت سلمان

    اولاً :تقول جميع الزائرات تنكتب اسمائهم بدفتر ويوم الزياره ،مو صحيح
    ثانياً : الخطابات محد ينكر وجودهم ابداً ونكرانك بهذا الموضوع دليل ضعف ادارتك واهتمامك وسلطتك الداخليه.
    ثالثاً : ………………………….
    رابعاً : وانكرت غياب الطالبات بسبب الاختطاف وان غيابهم لاسباب اخرى ،ما استغرب عدم مبالاتك لشعور البنات بعدم الامان،.اذكرك الدنيا تدور اذا مو اليوم بكره عليك
    خامساً :وذكرت بالامن واهتمامهم بأمننا وين كانوا لما صار الاختطافف وبوسط الكليه!!!! والله وعلى ما اقوله شهيد الامن يقفلون الغرفه عليهم وبس فالحين ينسدحون وياكلون ويبردون ع انفسهم وتطالب بالعقاب الشديد لهم وماراح نسكتت حنا اروووووااحح مو لعبه!!!
    واخيراً : جميعاً نطالب ولكن من المنصت ؟
    حسب الله وكفى.

  54. ٥٦
    همس

    اذهبو للجامعات الاخرى الكبرى في الدولة وانظرو كيف يكون التعامل مع الدخول للجامعة
    اما سالفة الخطابات فشكل كل امرأه تدخل تتمنونها خطابة !!!!
    ارتقو بمطالبكم اذا طالبات الكلية بهذه العقلية فما فائدة المبنى وطالباتها ليس عندها المبادئ الاساسية في كيفية الحوار والمطالبة
    يوجد مطالب ويوجد امال ولكن ليس بهذه الطريقة فمادخل لفظ(الشايب) في مطالبك !!!! مهما تطورة مبانيكم لن تتطور عقولكم
    هناك اداره تتوجه لها الطالبة ومجلس طلابي وغيرها من القنوات لتنال الطالبة مطلبها والاعلام اخرها اخر الحلول
    ولكن الواضح ان هذا النقد لاياتي الا من صغار الطالبات عقولاً هدفكم جامعة ترفيهية فقط وليس صرح تعليمي
    في صحيفة الوادي لاتجد الا النقد الهادم من ابناءها على كل مسؤول ويتغيرون المسؤولين ويزال النقد مستمر اذاً اين الخلل؟؟؟
    كم رئيس للبلدية ترأس في الوادي وجميعهم ينتقدواً !!!!ولم يمدح الى الان ولا واحد مهما قدموا وفعلوا
    لن يتطور الوادي بهذه العقليات
    واقول للجميع ما هكذا تؤكل الكتف ،،
    تمنياتي لكم بجامعه متطوره بتطور ابناءها ووادي متقدم بتقدم رجالها

  55. ٥٧
    الحق يقال

    الوساخة منكم يالوسخات اذا بلعتي وخلصتي حطية بالزباله وش دخل الدكتور
    اما اختفاء البنت بعد الساعه ١٢والكلية بعد وقت الخروج مهب مسؤلة عن الطالبات
    وبعدين ليش يكثر الغلط والهرج على التربية قد حصلت حداثة اختطاف بالجامعة الاداب ولا شاع اشاعات ولا تكلم عن الكلية بشي وهي حالة سئة وردئية الى ابعد مايتصورة انسان
    موقق الدكتور عبدالله والى الامام

  56. ٥٨
    هيا

    السلام عليكم ورحمة الله وبركاته ..
    اولا :كلامه كله كذب في كذب والله الذي لا إله إلا هو إن دخول النساء موجود وإنه بعد الساعه 8 ونص يبدأ دخول حريم عادي ما أحد يسأل ويتمشون في الجامعه ومعهم جولات كاميرا وإذا سويتوا تحقيق في الكليه وسألتوا البنات بيقولون لكم الحقيقه يمسكون البنات انتي على مين وانتي بنت مين ؟ ولايمنعون من دخول الكليه ابدا
    ثانيا:نظافه الكليه معدوومه تخيلوا حنا ندوور بالزباله أكرمكم الله ما نلقى حاويه نرمي وبالتنا فيها الا لما شروا البنات الحاويات وين اختفت حاويات الكليه اللي مفرووض انت توفرها يا أستاذ يامحترم
    ثالثا: حراسات الامن ما يتعدون الباب شغلتهم بس يأخذون الاكل اللي نجيبه معنا او تعليقهم على ملابسنا فقط لاغير ما يسالون اساسا انتي من الكليه اولا ولا يعرفون بنات الكليه لدرجة كل يوم يجينا نااس من برى بنات ثانوي بنات متوسط يتمشون في نص الجامعه وحتى بنات في بيوتهم حبت تغير جو جات مع صديقاتها للجامعه تغير جو والله ما احد يعرفها ولا يسالها من أنتي
    رابعا : جوالات الكاميرا اكثر البنات تدخل بجوالها ما فيه تفتيش على ذا النقطه وعادي كم مره نشووف البنات يصورون فطورهم واكلهم وقاعتهم طيب فرضا صوروا اكلهم وتصورت بنت بالغلط ونشروا الصور بغير عمد او حتى من باب الاستهبال والمزح تصور البنت لانها على قولتها حلوه اول تضحك وانتشرت الصوره ايش مصير المسكينه الي رايحه تتعلم وتطلع من الجامعه بفضيحه اقلها أجهزة لكشف جوالات الكاميرا وكاميرا مراقبه يا استاذ يامحترم .
    خامسا: يحق لنا نخاف على أنفسنا إذا انت حضرتك ما تخاف الا على منصبك اللي فرحان فيه وناسي إن ربي العباد بيسألك عنه في يوم القيامه وايش سويت في هذا المنصب البوابه الخلفيه ياناس قسم بالله مفتوحه اي احد يطب على السور عادي جدا يدخل مع باب الطوارئ اللي مو مسكر ولا عليه قفل وهذي مو اول مرره تصير حادثه في هذي الجامعه الترم اللي راح دخلوا شباب للجامعه وكتبوا على الجدران وشهروا باسمها بنات ومنعونا من الدخول للقاعات وكنا ناخذ محاضراتنا في السور هل هذا يعقل ولا سووا تحقيق ولا رفع بصمات ابدا اللي سووه بس دخول المستخدمات والامن وطمسوا الكلام المكتووب ببخاخات اول حتى ايش البنات ما يأخذون الارقام هل هذا في نظركم يعتبر حمايه لنا الكليه في منتهى الخراب جدا انت يا استاذ ما انتي بعاجز عن كاميرا تحطها تكشف مين يدخل ويطلع من الكليه ما انت بعاجز تتفق مع شركه نظافه للكليه ما انت بعاجز تتفق مع شركه للافطار حق البنات في الكليه ما انت بعاجز عن تصليح المكيفات اللي خربانه في الكليه وتصب ماء على البنات والمتاس الكهرباء اللي كل فتره يصير وين مسؤوليتك أمام الله خاف ربك لا تخاف من خلقه مياه الصرف الصحي اللي متفرج في الكليه رائحتها مزعجه وهي منتشره في ساحات الكليه أقلها صيانه الكليه قديمه بس ما ضارك بشيء لو سويت صيانه في فتره اجازتنا الصيفيه يمديك 3 أشهر فيها بس حسبي الله ونعم الوكيل انحرموا كثير بنات من تكميل دراستهم الجامعيه بأسباب تسيبك وعدم حرصك اذا انت بس تسمع وما تم الكليه ولا تشوف حنا أمانه وضعها كل اب وام واخ و زوج في رقبتك وانت مهمل وتكذب في شيء لتغطية قصوور جهودك مو بس حنا المظلومات حتى دكتوراتنا مكاتبهم متر في متر كأنه قبر واذا 2 في مكتب مترين في متر ايش هذا فووق هذا من دخلت الكليه ومعمل الحاسب هو الوحيد اللي نستخدمه ما يشتغل الا بعض الاجهزه الباقي للزينه اسم ان فيه جهاز ويطالبون البنات بالعرووض والشرح وما يوفرون أجهزة بروجكتر في الكليه كل قسم موجود فيه واحد تخيلوا جهاز بروجكتر في كليه 5 أجهز فقط وحنا مطلوب منا شرح لكل ماده وكل بنت لحالها واذا طلبنا البروجكتر قالوا مشغول مع طالبه ثانيه واذا ما قدمنا عرضنا نقصت درجاتنا ايش بالله عاجز عن توفير أجهزة بروجيكتر في القاعه في مدارس الوادي كل فصل فيه بروجيكتر ملعق في السقف وحنا طالبات تعليم عالي ما عندنا ايش ذا التسيب ميزانية الجامعه في ايش تصرفها في جيبكم ..
    واخيرا حسبي الله ونعم الوكيل

  57. ٥٩
    بنت سلمان

    جميع من ايد كلام العميد و ،احببت ان اقول لكم (الساكت عن الحق شيطان اخرس)
    والحقيقه واضحه وادعوا الجميع لرؤية الحقيقه بنفسه.
    انتهى.

  58. ٦٠
    بنت الوادي

    غيررررر صحيح
    يا يا دكتور
    لا تخلني اعلمك وش تسوي با الشهادات المتفوقات………… وش يسوى بها مثل المتخرجه والحين معيده غصب عليك (م .ف.م
    والحر تكفيه الاشاره من غير القرات ……….
    من غير صندوق الطالبه

  59. ٦١
    لااله الاالله

    الامن حدث ولا حرج اتعب وانا اقول مهملات بشغلهم بس وظيفتهم اخذ فطور البنات واكله ب الغرفه وطول ذا الوقت كل وحده ماله شغل ب الجامعه بس نشوفهم صبح وظهر ع اي اساس كانو الامن كذا المفروض كل الامن متوزعين ب الكليه ب اكمالها يشوفون وضع البنات المساكين مو بس عيونهم ع الفطور وبعض الاحيان نطلع متاخر مانشوف احد ب الساحات اتمنى اتمنى تنظورون بهذا الامن واتمنى من الاستاذ صقر مره ثانيه يكون صادق ب الكلام مو بس مجاملات عشان نسكت فتره ويرجع الوضع مثل ماهو

  60. ٦٢
    لااله الاالله

    وازيد ع كلام الامن اتعب وانا اقول وجودهم نفس عدمهم وظيفتهم مو امن بس يجون يتقهون ويبلعون اكل البنات وامن ع انفسهم مسكرين الغرف عليهم والبنات المساكين محد يدري عنهم المفروض الامن متوزعين بكل مكان ب الجامعه مو بس ب الغرف نشوفهم صبح وظهر وش ذا الامن اتنمى اتنمى تنظورن بذا الامر ويصبح الامن يعم الكليه ب اكمالها

  61. ٦٣
    طالية جامعية

    اسمحلي اخ عبدالله. بعض الكلام غير صحيح
    اليوم الخميس١٥/١١٤٣٧وانا جايه للكليه لقيت اربع حريم طالعين من الكليه لبسين قفزات وضعهم مريب يشفون سيارات الي واقفه فيها بنات كان هناك ثلاث سيارات سوقين وهايلكس حتى من الخوف قلت لسواقق اذا نزلت وجو لعندي اتصل بشرطه لحظة نزلت جو يمي ورحت ركض للباب ودخلت. هذا وش معناها

  62. ٦٤
    سارة الدوسري

    كلام ابن صقر كذب في كذب حسبي الله ونعم الوكيل فيكم لانضافه ولا امن مدري كيف تبنا نتعلم ونبني الاجيال واحنا ندرس في هذي الجامعه حرام عليكم ترا احنا بشر

  63. ٦٥
    لااله الاالله

    للاسف اغلب الكلام كذب النظافه بعيده كل البعد عن الجامعه لهم كم اسبوع والوصاخه نفس ماهي والتكيف الساحات خايسه صراحه نستحي نسميها جامعه وكل يوم يزيد فينا الخوف المشكله اغلب الكلام الفتره الجايه الين نيآس واحنا نتكلم ليش كل ذا الانظمه مومطبقه من زمان وش قاصر فيكم ي عالم ارحمونا صرنا نروح ل مكان رعب مو جامعه مفروض تستعجلون بكل نظام ^الله المستعان

  64. ٦٦
    Saud-USA

    نسخه الى مكتب الدكتور عبدالله
    الطيب فيك وسابقك قبلك ابوك….
    والجود في يمناك حامل وسامه…
    تستأهل المنصب وياجعل يفدوك…
    أهل الكبر وأهل الحسد والنمامه…
    متواضع وفي وضعك الناس حبوك..
    الله يحب الي يحبك ما الومه…..

  65. ٦٧
    Amal

    الحقيقة والحق يقال أن كلية التربية من يوم مسكها د. عبدالله من كم سنه وهي متغيره تغيير ايجابي في امور كثييييره وكانت بصمته واضحه وجهوده مشكوره ماينكرها إلا جاحد ،،
    واللي حاصل حالياً أمر طاريء يمكن يحصل بأي جامعة بالعالم ..

  66. ٦٨
    مندبلتن كبدها من الي الكذب المكتوب

    اول شي :حابه اقوله هذي امانه برقبه كل واحد مسؤل في اي كان من المنصب !
    ثانياا :بنسبه الغياب الي غابوه البنات وتقول بسب ضروف وليس خوف من الي حصل اقولك نص اولياء الامور تم فصل بناتهم بسب الخوف وعدم الثقه ابدا في الكليه ..
    بسب سوء النظافه ماراح نحط العتب ع العاملات وفاطالبات لهن نصيب من ذلك
    فيليت يا بن صقر تقول كلام يصدقه المجنون قبل العاقل !!
    مش غلط تقول اخطئت او حصل مني تقصير الغلط تنكر الغلط وتقول لم يحصل ..!
    وفي الختام نقوم مالنا الا الصبر ؛؛

  67. ٦٩
    ابتهال

    ما ابغى احلف كلن من مدح ابن صقر انه مش طالب وحاس بالي نحس به ! والله العظيم ان كليتنا في حال مايرضى عليه احد لاكن تعب الكلام من الكلام .. والله العظيم اليوم بالقاعه الي احضر فيها حشرات وذباب لونه اخضر وكبير !! مستوعبين ؟؟ اوكي ترى هاذي قاعه ناخذ فيها محاضره من الساعتين الى ال ٣ ساعات .. ،وماطلع منهالا كل جسمي متحسس منها واتحكحك ،وشبه اسبوعيا تجي وحده من الامن تاخذ ملاحظتنا على القاعه لاكن لاحياة لمن تنادي .. اناطالبه وانا الي يحق لي اتكلم ! والحمد لله على حال . فعلاً معاناة يشّفق علينا فيها ….

  68. ٧٠
    وجدان

    للاسف كل كلامه كذب في كذب مع احترامي له لاتكييف ووساخه المكان واشياء واجد وعلى سالفة الامن مافيه امن يبرد الكبد او يخافون ع الطالبات كل همهم وجلستهم عند الباب بس نزلي التنوره وغيري التنوره الضيقه والبلوزه شفافه هذا بس شغلتهم وزودن ع كذا يتعاملون معنا ب طرف خشمهم …اذا انت حاطينكك ع كليتناا ومسلمينها في يدك ف الوم عليك لانك م تستاهل ذا المنصب لانك موب قده نبغا نداوم لشي يفتح النقس موب ب تذمر وحسبي ع كل شخص م يحس ب المسووليه

  69. ٧١
    محماس

    هذ الرجل من المؤسسين لفروع الكليات بالوادي وله بصمه واضحه ، والمسؤول ليس معصوم من الخطاء . وعلى ولي امر الطالبه يسلك القنوات الرسميه راجع عميد الكليه بمكتبه ، ارسل له على الايميل اذ ماحل مشكلتك فيه مدير جامعة .
    على العموم مشكور اخوي غازي .

  70. ٧٢
    خالد

    كلام سليم , كثرت الشائعات والواجب على المواطن والمواطنة التثبت حتى يبين المسؤول. شكرًا للعميد شكرًا لصحيفة الوادي على هذا النقل .

  71. ٧٣
    صدى الحق من كلية التربيه

    السلام عليكم ورحمة الله وبركاته
    اشكر الدكتور عبدالله ال صقر لما يقدمه من جهود ملموسة ومشهوده لكلية التربيه وكليات وادي الدواسر. واشيد بان كلية التربيه تسعى بجهد كبير لتخريجات مخرجات تعليم ممتازه وان ماحدث من هشتاق لايليق وليس لع واقعيه إنما هو من مغرضين وحسده وأشكر ادارة كلية التربيه لما تسعى من اصدار لوائح نظاميه صارمه تصب في مصلحة الطالب والطالبه والدكتور عبدالله الرجل المناسب في المكان المناسب. ونجاح إدارة الكليه وتميزها. إنما من نجاح عميدها والله الموفق

  72. ٧٤
    م . الدوسري

    الدكتور عبدالله بن محمد ال صقر رجل ناجح ومحب للمحافظة وابناها وهو من الموأسسين الكليه وكلامه ١٠٠/١٠٠

  73. ٧٥
    كلكم راع وكلكم مسؤل عن رعيته

    اولا: وضع النظافة اقسم بالله العظيم ان الكلية بالأسبوع مايدخلها عامل ينضفها ونطلع من الدوام ونرجع والزالة مكانها ماتحركت وفضلات الحمام مغطية ارضية الساعات بالاسابيع وعدد الحاويات قليل جدا في الساحة والقاعات ليس فيها حاويات قمامة واعداد الطالبات كبيرة تكون الحاويات مليانة فيضطرون الى رمي القمامة في الارض واضطرت بعض طالبات الكلية الى اقامة حملة للنظافة وقامو الطالبات المشتركات في الحملة بشراء ٥٠ حاويات قمامة للقاعات والساحة على حسابهم الشخصي وايضا حاويات صغيرة لدورات المياه وايضا قامو الطالبات بشراء منظفات ومعقمات ومزيل روائح لدورات المياه لان وضع نظافة الكلية اصبح لايطاق والدليل على عدم صدق كلامكم ( ….. ) حتى اسماء حملات النظافة المقامة في الكلية خطأ .
    ثانيا: اذا كانت عدم نظافة الكلية بسبب كثرة عدد الطالبات كما تقولون وهذا غير صحيح فسبب عدم النظافة العجز في توفير ادوات النظافة وعاملات النظافة فهناك بلاعات الصرف الصحي الفائضة في اروقة الكلية مانقدر نمشي وريحة الكلية من فيضان البالوعات لاتطاق وكمية ذباب منتشرة بسبب مياه الصرف الفايضة في الساحة هل هذا ايضاً من الطالبات وكثرة عددهم نظافة الكلية وبذل الطالبات مايستطيعون بذله لتخفيف من المناضر التي انتشرت صورها في تويتر لكن الصرف الصحي ماذا نفعل هل تنتظرون من الطالبات احضار سيارات الصرف الصحي ام حفر مجاري للكلية .
    ثالثا : موضوع الخطابات صحيح ١٠٠٪‏ دائما حريم متغترات يدرون في ساحة الكلية وليس معهم احد من الامن عيب وحرام تكذب وانت شايب وش كبرك لو نجيت من ملام الناس في الدنيا ماراح تنجو من الحساب من رب الناس والكلية كل من اراد الدخول دخل لا فيه مسألات ولا هم يحزنون وكلامكم عن انه الزائرات يمشي معهم من الامن حتى يخلصو الاجراءات كذب والله انهم يدخلون الكلية تايهين ويسألون الطالبات عن اماكن الادارة في الكلية
    رابعاً : منعكم لدخول جوالات الكاميرة لماذا وجميع الجامعات الأخرى مسموح فيها هذا النوع من الجوالات ولا مانعينها خوف من ان يصور وضع الكلية وينتشر ع وسائل التواصل وينكشف المستور .
    خامسا : اسعار الكافتيريا صح معلقة لوحة بالأسعار لكن الاسعار فيها غير صحيح اللوحة شي والأسعار الحقيقة عند الشراء شي ثاني .
    سادسا : وضع المكيفات غير صحيح ان جميعها جيدة هناك خلل والمكيفات تنزل موية على الطالبات وصار هناك التماس كهربائي حتى غرف الدكتورات بعضهم جالس اكثر من اسبوع في غرفته بدون مكييف وهناك اسلاك كهربائية مكشوفة
    سابعاً : دخول وخروج الطالبات همجي للغاية والطالبات متكدسات ع مدخل الكلية ليس هناك اي تنظيم .
    المعامل في الكلية غير مهيئة بأي وسائل سلامة وطفايات الحريق مرمية في الارض والمفروض تكون معلقة في الجدران القاعات وضعها جدا مزري شبابيك مكسرة وشبابيك ما تتسكر
    بختصار الجامعة لاتليق ابدا بأن تكون جامعة فالمبنى قديم ومتهالك وغير صالح للاستخدام نهائياً لا تنطبق عليه مقاييس الجامعة والامن والسلامة.
    وفي النهاية كلكم راع وكلكم مسؤل عن رعيته وهذه امانة لو نجوتم من حساب الدنيا لن تنجو من حساب الأخرة فرب الناس لايخفى عليه خافية ويمهل ولا يهمل ومهما حاولتم التستير والتغطية لابد ان يأتي يوم وتنكشف الحقيقة المرة لذالك خلو عندكم امانة وارضو رب الناس وراقبوه فالحساب عسير وشكراً.

  74. ٧٦
    صدى الحق من كلية التربيه

    بِسْم الله الرحمن الرحيم
    اولآ اشكر الدكتور عبدالله ال صقر على الاداره المتميزه وانا اشيد بها
    وان الكليه تقدم جهودها الدائمه والمتواصله لتخرج مخرجات جيده من الطلبه والطالبات ولاكن المغرضين والحسده من ابتجحو هذا الموضوع والهشتاق. الغير لائق وليس في محله و اشيد بان كلية التربيه تشهد إداره ناجحه بعمادة الدكتور عبدالله ال صقر

  75. ٧٧
    raiiiim00

    كلام ابن صقر صحيح وانابنفسي رحت اراجع وعند الباب يسئلون،عن سبب الزياره ويكلمون القسم وتتوجهين للقسم اللي تبين اماالوساخه هذا من بناتكم والتكييف كم عمرالكليه حسبي الله عليكم شي طبيعي تحتاج صيانه
    واللي يكذب ابن صقر لهم غرض تغطية السالفه اللي ماتدخل العقل وارتفاع الاسعار في جميع كليات وجامعات المملكه لحد يحط ابن صقر شماعه لتغطية اغلاط البنات

  76. ٧٨
    SAUD-USA

    مماعرفته عن الدكتور عبدالله انه حريص ومحب لعمله وجلب كل ماهو جديد للكليه وللمحافضه بشكل عام ….صحيح ناخذ بالاسباب ولكن لايكون كل الوم ع اهمال الكليه…

  77. ٧٩
    نوره

    حديث ابن صقر صحيح بنسبة 1%100 ، وشكراًً ..

  78. ٨٠
    ابو قشه

    المواطن ماعاد هو مثل اول يا دكتور واضح من كلامك انه كلام كاذب ومنمق على شاكلة الامور بخير وسوف نعمل وتعاقدنا مع …. كلام مبالغ فيه ….. الخ
    بينما الحقيقه ان الكليه تعج بالمخالفات والوساخه منتشره والمكيفات تعطل والبنات متذمرات ولهن الحق في الخوف على انفسهن ….

    رحم الله من اهدى الي عيوبي

  79. ٨١
    طالبة كلية التربية

    كل ماقيل في هذه المقابلة غير قابل للتصديق
    نحن بنات الكلية نرى بشكل دائم مجموعه من النساء المتغترات يدخلن ليتفرجن على الطالبات بداعي الخطبة ولا يوجد رقيب ولا حسيب لدخولهن ولا حتى سجل يوثق اسماء الداخلات ولا اي اثبات وهذا ماتسبب في حادثة الاختطاف !
    وحسبي الله ونعم الوكيل
    خافو الله فينا

  80. ٨٢
    ساره

    حسبي الله ونعم الوكيل مافي اي صحة بكلامه ، هذي اساس المشكله عندنا ومراح تنحل مشاكلنا دام العميد يغطي على بلاوي الكليه !!

  81. ٨٣
    أبوفهد

    زخرفة كلام لا أكثر …….

  82. ٨٥
    ابواحمد

    الكلام الى يقوله بن صقر غير مصدق ﻻنه ما يحس باالجمره اﻻ وطيها بناتنا في الكليه ويشوفون الوساخه وعدم النظافه يعنى الصور التى طالعه

  83. ٨٦
    ابواحمد

    اال كلام هذا كله غير صحيح الدعوه كلها مجملات واعلام

اضف تعليق

بريدك الالكترونى لن نقوم بأستخدامه.

You may use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

x
تطبيق صحيفة وادي الدواسر
صحيفة وادي الدواسر
حمل التطبيق من المتجر الان